豬媽媽成日都好想寫編野係關於自從豬奀奀出世到而家既點滴, 但係文筆又唔好, 都唔知點開始, 有好多生活上既細節係非筆墨可以形容... 豬奀奀無論食飯訓覺痾屎沖涼食手指同玩都係天使魔鬼混合體, 同一件事每日都會有唔同反應, 天天精彩....
返工放工上網訓覺, 以前日日如是, 而家變成返工放工溫仔上網訓覺.... 多左溫仔呢項就完全唔同晒, 以前自由自在既感覺冇左, 表面上看似係負擔, 其實係我放唔開對奀奀既痴纏同依戀!! 而家d fd想約我食餐飯仲難過登天, 唔係行唔開, 唔係奀奀冇左媽媽唔得, 而係我自己隨左被迫要返工之外就唔想離開佢半步, 但係如果要我全職揍奀奀我又會頂唔順, 因為佢實在係曳, 我諗我會發癲, 我呢個媽媽真係好茅盾!! .....其實諗落佢又唔算曳, 只係我溫柔佢完全唔聽, 係都要我粗聲大氣先肯聽少少, 所以我到而家都唔明, d溫柔既媽媽究竟點教仔既呢?!!!!!!
所以而家既安排其實唔錯, 只係星期日做全職媽媽, 咁樣當然有利有弊, 利就係輕輕鬆鬆, 弊既就係佢唔黐呢個part time媽媽!! 我做媽媽既願望其實好細, 佢主動埋黎攬下我, 坐下我大脾, 就覺得好窩心, 上星期有兩日因為多左時間同佢玩, 佢果兩晚食奶奶同訓覺都要拖住我, 就黎兩歲, 真係好少咁黐我, 我其實開心到不得了, 亦都真正體會到只要用心對佢, 佢就會同樣依戀你!!
而家每個父母都好緊張d仔女讀咩學校, 連入幼稚園前都要d bb學呢樣學果樣, 坊間又有唔少d面試攻略呀咁, 唔知點解, 我又唔係好緊張佢將來學業, 可能我都唔係一個鍾意讀書既人!! 其實只要佢唔太差, 合格我已經接受, 因為明白, 所以唔想迫... 豬媽媽覺得公民教育比讀書成績緊要得多!!
上年睇報紙有個十憂狀元既爸爸對個仔既期望, 我好白黐咁抄低左, 一直放係記事簿, 就係~謙虛, 好學, 尊師重道, 珍惜機會, 有理想~, 我都想豬奀奀做到, 我當然唔洗奀奀囉10個A, 全部合格可以喇, 哈哈哈哈!! 只要奀奀做一個大方大量有禮貌既人就夠!! 最緊要都係健康快樂!!
自從做左媽媽之後, d 以前冇既愛心全部擁晒出黎, 行街見到d 小朋友個個都覺得係得意既, 以前真係唔會留意呢d...母愛??!! 以前兩個人一年飛幾次日本.. 有好多野原來真係返唔到轉頭, 一黎錢係好大問題, 二黎真係放唔開掉低奀奀一個係屋企, 雖則話可以同埋佢去, 但係咁細個咩都唔識去黎做乜, 都係留返個錢旁身有安全感d...
呢排佢識講~謝謝~ 都唔知點解佢講謝謝把聱同佢平時把聲唔同, 特別悅耳動聽, 嬌俏可人既 jak~
媽媽好愛好愛你呀, 你知唔知道架?!?!?!?!?!?!